रणवीर सिंगचे नाव सध्या बॉलिवूडच्या टॉप अभिनेत्यांमध्ये घेतले जाते. तो सध्या बऱ्याच जाहिरातींमध्येही दिसत आहे. पण जाहिराती करताना काही नियम त्याने स्वतःला घालून दिले आहेत. कंडोमची जाहिरात रणवीर करणार नसल्याचे कळत आहे.
रणवीर सिंगने पाच वर्षांपूर्वी एका प्रसिध्द कंडोम ब्रँडसोबत करार केला होता. सुरक्षित लैंगिक संबंधांबाबत जनजागृती करण्यासाठी रणवीर या कंडोम ब्रँडची जाहिरात करत होता. 'ड्यूरेक्स' असे या ब्रँडचे नाव आहे. मात्र आता रणवीर सोबत असलेला हा करार आता मोडित निघाला आहे.
रणवीर विवाहबंधनात अडकल्याने हा करार ड्यूरेक्सकडून तोडण्यात येत असल्याचे मिडीया रिपोर्ट्समध्ये म्हटले आहे. पण रणवीरने मानधन वाढवून मागितल्याने हा करार रद्द होत असल्याच्याही चर्चा आहेत. रणवीर-दीपिकाचा विवाह 11 नोव्हेंबरला झाला. त्यावेळी 'ड्यूरेक्स'च्या ट्विटर हँडलवरुन दोघांनाही शुभेच्छा देण्यात आल्या होत्या. 2014 ला दिलेल्या एका मुलाखतीत रणवीर म्हणाला होता की, 'मी नेहमीच कंडोम पाकिटात ठेवतो.' यावेळीच त्याने या उत्पादनाला प्रमोट करण्याविषयी बोलून दाखवले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.